സൗന്ദര്യലഹരി എന്ന പാഠത്തിലെ കൂടുതല്‍ ചോദ്യങ്ങളും ഉത്തരങ്ങളും (Class-9)

 

2. പരമാനന്ദത്തിന്റെ പ്രവാഹമാണ് പ്രകൃതിയില്‍ കവി കാണുന്നത്. അത് മനസ്സിലാക്കി ജീവിക്കുമ്പോഴാണ് ജീവിതം ആനന്ദകരമാകുന്നത്. പ്രസ്താവന വിലയിരുത്തുക.
    പ്രകൃതിയില്‍ കവി കാണുന്നത് പരമാനന്ദത്തിന്റെ പ്രവാഹമാണ്. ആ സൗന്ദര്യപ്രവാഹത്തില്‍ അലിഞ്ഞുചേരുകയാണ് മനുഷ്യര്‍ ചെയ്യേണ്ടത്. പ്രകൃതിയില്‍ നിറഞ്ഞുനില്‍ക്കുന്ന സൗന്ദര്യവും സന്തോഷവും ഉള്‍ക്കൊള്ളാനുള്ള മനസ്സുണ്ടാവുകയാണ് അതിന് ആദ്യം വേണ്ടത്. പക്ഷേ, ഇന്ന് മനുഷ്യര്‍ക്ക് പ്രകൃതി  ഒരു ഉപഭോഗവസ്തു മാത്രമാണ്. ഈ സമീപനരീതി  തെറ്റാണ്. ജീവിതം ദുസ്സഹമായി  അനുഭവപ്പെടുന്നത് അതുകൊണ്ടാണ്. കാലാവസ്ഥാമാറ്റംപോലെയുള്ള പ്രകൃതിയുടെ തിരിച്ചടികള്‍ നേരിടാനാവാതെ മനുഷ്യര്‍ തളര്‍ന്നുപോവുകയും ചെയ്യുന്നു. എന്നാല്‍ പ്രകൃതിയോടു ചേര്‍ന്ന് അതിന്റെ ഭാഗമായി ജീവിക്കുമ്പോള്‍ മറ്റു ജീവജാലങ്ങളെപ്പോലെ മനുഷ്യര്‍ക്കും സന്തോഷിക്കാന്‍ കഴിയും. പ്രകൃതി മനുഷ്യരുടേതല്ല, മനുഷ്യര്‍ പ്രകൃതിയുടേതാണ് എന്ന് നാം മനസ്സിലാക്കണം.