രണ്ടു മത്സ്യങ്ങള്‍ എന്ന പാഠത്തിലെ കൂടുതല്‍ ചോദ്യങ്ങളും ഉത്തരങ്ങളും (Class-8)

1. പ്രകൃതിസംരക്ഷണത്തിന്റെ ആവശ്യകതയെക്കുറിച്ച് സൂചിപ്പിക്കുന്ന പോസ്റ്ററുകള്‍ തയാറാക്കുക.

2. ''പക്ഷേ മനുഷ്യനെ പേടിച്ചേ പറ്റൂ. മുട്ടയിടാന്‍ പോവുകയാണോ, മുട്ടയിട്ട് കൊച്ചുകുഞ്ഞുങ്ങളെയും കൊണ്ട് തിരിച്ചുവരുകയാണോ എന്നൊന്നും അവനറിയണ്ട, കുത്തൂടുകളും വലകളും വെട്ടുകത്തിയുമായി അവന്‍ തക്കംപാര്‍ത്ത് നില്‍ക്കും.''                                            (രണ്ടു മത്സ്യങ്ങള്‍)
അഴകന്റെ ഈ അഭിപ്രായം മനുഷ്യരുടെ സ്വാര്‍ഥതയിലേക്കുള്ള ഒരു ചൂണ്ടുപലകയാണോ? നിങ്ങളുടെ അഭിപ്രായം സമര്‍ഥിക്കുക. 
ഈ ഭൂമിയില്‍ എല്ലാ ജീവജാലങ്ങള്‍ക്കും തുല്യാവകാശമാണുള്ളത്. എന്നാല്‍ മനുഷ്യരുടെ വിചാരം ഈ ഭൂമി അവര്‍ക്കുവേണ്ടി മാത്രം സൃഷ്ടിക്കപ്പെട്ടിട്ടുള്ളതാണെന്നാണ്. മറ്റുള്ള ജീവജാലങ്ങളെക്കുറിച്ച് യാതൊരു ചിന്തയുമില്ലാതെ തങ്ങളുടെ സുഖസൗകര്യങ്ങള്‍ക്കുവേണ്ടി എന്തുചെയ്യാനും മടിയില്ലാത്തവരായി മാറിയിരിക്കുന്നു മനുഷ്യര്‍. മനുഷ്യരുടെ വിവേകരഹിതവും കരുണയില്ലാത്തതുമായ ഇത്തരം പ്രവര്‍ത്തനങ്ങളാണ് അഴകന്റെ വാക്കുകളില്‍ തെളിയുന്നത്.  മറ്റുള്ള ജീവജാലങ്ങളെയും ഈ പ്രകൃതിയെയും നശിപ്പിച്ചുകൊണ്ട് തനിക്കുമാത്രം നിലനില്‍ക്കാമെന്ന മനുഷ്യന്റെ മോഹം അവന്റെതന്നെ വിനാശത്തിലേക്കാണ് വഴിതെളിക്കുന്നത്.