യുദ്ധത്തിന്റെ പരിണാമം എന്ന പാഠത്തിലെ കൂടുതല്‍ ചോദ്യങ്ങളും ഉത്തരങ്ങളും (Class 10)

1. ബ്രാഹ്മണന്‍ രാജാവിന്റെ കല്പന കിട്ടിയിട്ടേ യുദ്ധം ചെയ്യാവൂ.
അടിവരയിട്ട പദച്ചേരുവ ഒറ്റപ്പദമാക്കിയെഴുതുക.     
ഉത്തരം: രാജകല്പന
2. ചുവടെ കൊടുത്തിട്ടുള്ള  മാതൃകപോലെ സമാനപദങ്ങള്‍ കണ്ടെണ്ടത്തി എഴുതുക.
മാതൃക: അനീതി-അസത്യം, അപ്രിയം, 
i. സസന്തോഷം  - ............., ................ 
ii. നിര്‍ദാക്ഷിണ്യം - ............, ................. 
iii. നിഷ്പ്രയോജനം - ..........., ..................
ഉത്തരം:
i. സസ്‌നേഹം, സഹര്‍ഷം
ii. നിര്‍വീര്യം, നിര്‍ലോഭം
iii. നിഷ്‌ക്രിയം, നിഷ്പക്ഷം
3. ദുര്യോധനന്റെ ഹൃദയോന്നതിയും ആഭിജാത്യവും പ്രകടമാകുന്ന സന്ദര്‍ഭം വിശദീകരിക്കുക.
പുണ്യസ്ഥലമായ സമന്തപഞ്ചകത്തില്‍ തുടയെല്ലു തകര്‍ന്ന്  വേദനകൊണ്ട്  പുളഞ്ഞ് മരണാസന്നനായി കിടക്കുകയാണ് ദുര്യോധനന്‍. ആ ഘട്ടത്തില്‍ വൃദ്ധരായ മാതാപിതാക്കളെയും ആരോമലായ ഭാര്യയെയും ഓര്‍ക്കുന്നതിനു മുമ്പേ തങ്ങളുടെ ഏകസഹോദരിയായ ദുശ്ശളയെക്കുറിച്ചോര്‍ത്താണ് അദ്ദേഹം വ്യസനിക്കുന്നത്. ഭര്‍ത്താവും സഹോദരന്മാരും നഷ്ടപ്പെട്ടതിന്റെ ദുഃഖം അവള്‍ എങ്ങനെ സഹിക്കുമെന്ന് ചിന്തിച്ച് വേവലാതിപ്പെടുന്ന സ്‌നേഹസമ്പന്നനായ സഹോദരനെയാണ് ആ വിലാപത്തില്‍ കാണാന്‍കഴിയുന്നത്. മരണത്തിനു മുമ്പുള്ള നിമിഷങ്ങളിലെ ചിന്തകളില്‍പ്പോലും പ്രകടമാവുന്നത് ദുര്യോധനന്റെ ഹൃദയോന്നതിയും ആഭിജാത്യവുമാണ്.
4. പാശ്ചാത്യ എപ്പിക്കുകളുമായി മഹാഭാരതത്തിന് എന്തു വ്യത്യാസമാണ് ലേഖകന്‍ കണ്ടെത്തുന്നത്?
പാശ്ചാത്യ എപ്പിക്കുകളില്‍ യുദ്ധവീരന്മാരുടെ പരാക്രമത്തിനാണ് പ്രാധാന്യം നല്‍കിയിരിക്കുന്നത്. എന്നാല്‍  മഹാഭാരതത്തില്‍ യുദ്ധം വരുത്തിവയ്ക്കുന്ന മഹാദുരന്തങ്ങളാണ് ആവിഷ്‌കരിക്കുന്നത്. യുദ്ധമെന്ന മഹാവിപത്ത് ഇനിയൊരിക്കലും   ഉണ്ടാവരുതെന്ന ഉദ്ദേശ്യമാണ് രചനയ്ക്കു പിന്നിലുള്ളത്. ഇനി നടക്കാനിരിക്കുന്ന കഥകൂടിയാണ് മഹാഭാരതം എന്നതിന് സംശയമില്ല. യുദ്ധംമൂലം നിസ്സഹായരും നിരാലംബരുമാകുന്ന അനേകരുടെ കഥയാണ് മഹാഭാരതം. യുദ്ധത്തില്‍ മരിക്കുന്നവര്‍  ഭാഗ്യവാന്മാര്‍. അവശേഷിക്കുന്നവരും വിജയികളും ഒരുപോലെ ദുഃഖിതരായി കഴിയേണ്ടിവരുന്നു.